საქართველო, 5 ოქტომბერი, საქინფორმი. რუსმა დიპლომატებმა მოუწოდეს უკრაინის მოქალაქეებსაც, არ მიუახლოვდნენ სამხედრო და ადმინისტრაციული ინფრასტრუქტურის ობიექტებს.

რუსეთის საგარეო საქმეთა სამინისტრომ კიდევ ერთხელ გააფრთხილა უცხო ქვეყნის მოქალაქეები და დიპლომატიური მისიების თანამშრომლები უკრაინაში გამგზავრების საფრთხეებთან დაკავშირებით.

„რუსულმა მხარემ წინასწარ მოუწოდა კიევში მყოფ უცხოელ მოქალაქეებსა და დიპლომატებს, დაეტოვებინათ ქალაქი და თავი შეეკავებინათ უკრაინაში ვიზიტებისგან“, - განაცხადეს რუსეთის საგარეო საქმეთა სამინისტროში.

რუსმა დიპლომატებმა მოუწოდეს უკრაინის მოქალაქეებსაც, თავი აარიდონ სამხედრო და ადმინისტრაციული ინფრასტრუქტურის ობიექტებს.

საგარეო საქმეთა სამინისტროში აღნიშნეს, რომ უცხოელებისა და უცხოელი დიპლომატების გაფრთხილებას კიევის დატოვების შესახებ შეიცავდა სამინისტროს მიერ მიმდინარე წლის 25 მაისს გამოქვეყნებული განცხადება, ასევე უცხოელი პარტნიორებისთვის გაგზავნილი დიპლომატიური ნოტები. ერთი დღის შემდეგ, რუსეთის საგარეო საქმეთა მინისტრის მოადგილემ, მიხაილ გალუზინმა, ეს შეტყობინება დიპლომატიური კორპუსისთვის გამართულ ბრიფინგზე გაიმეორა.

„ვაფიქსირებთ, რომ ყველამ არ გაითვალისწინა ეს გაფრთხილებები და ადამიანები შეგნებულად იგდებენ საკუთარ სიცოცხლეს სასიკვდილო საფრთხეში“, — დასძინეს უწყებაში.

საგარეო საქმეთა სამინისტრომ ხაზგასმით აღნიშნა, რომ რუსეთის შეიარაღებული ძალები გააგრძელებენ მასშტაბურ საპასუხო დარტყმებს უკრაინაში არსებულ სამხედრო ობიექტებზე — პასუხად იმ ქმედებებზე, რასაც უწყებამ რუსეთის მოქალაქეების წინააღმდეგ კიევის მხრიდან განხორციელებული ტერორი უწოდა.

sputnik-georgia.com