თბილისი, 28 სექტემბერი, საქინფორმი. ადმინისტრაციულ სამართალდარღვევათა კოდექსში ცვლილება შედის, რომლის მიხედვითაც, ურჩ გარემოვაჭრეებს შვიდდღიანი პატიმრობა და გარევაჭრობის საგნის ჩამორთმევა ემუქრებათ. კანონპროექტი პარლამენტმა გუშინ დაჩქარებული წესით პირველი მოსმენით მიიღო.

კანონპროექტის მიხედვით, თუ პირი თბილისში სპეციალური ნებართვის გარეშე ეწევა გარევაჭრობას და შესაბამისი ორგანოს უფლებამოსილი პირის განკარგულებასა და მოთხოვნას არ დაემორჩილება, მას ან 50 ლარით დააჯარიმებენ და ვაჭრობის საგანს ჩამოართმევენ, ან შვიდდღიან პატიმრობას შეუფარდებენ და ამ შემთხვევაშიც ვაჭრობის საგანს ჩამოართმევენ.