საზოგადოება
შეხვედრა საერთაშორისო სავაჭრო პალატასთან

saqstatiXთბილისი, 28 სექტემბერი, აქინფორმი. როგორც საქსტატი საქინფორმს ატყობინებს, დღეს  საერთაშორისო სავაჭრო პალატის  (ICC)  ეროვნული კომიტეტი საქართველოში სტატისტიკის ეროვნული სამსახურის აღმასრულებელ დირექტორ ზაზა ჭელიძეს და ბიზნესომბუდსმენ გიორგი პერტაიას  უმასპინძლებს.

შეხვედრაზე მხარეები სტატისტიკისა და ბიზნესწრეებს შორის თანამშრომლობის აუცილებლობასა და პერსპექტივების შესახებ ისაუბრებენ. ამასთან, საქსტატის აღმასრულებელი დირექტორი ზაზა ჭელიძე შეხვედრის მონაწილეებს გააცნობს ძირითადი სტატისტიკური მონაცემების (ინფლაცია, მთლიანი შიდა პროდუქტი, პირდაპირი უცხოური ინვესტიციები, საგარეო ვაჭრობა და ა.შ.) გაანგარიშების მეთოდოლოგიას.

ბიზნესომბუდსმენი კი ისაუბრებს ბიზნესგარემოსა და ბიზნესომბუდსმენის საქმიანობის შესახებ, კერძოდ, რა სახის ღონისძიებები ხორციელდება ბიზნესის ინტერესების დასაცავად, მათ შორის, კერძო სექტორისა და სახელმწიფოს ურთიერთთანამშრომლობისთვის.