საქართველო, 27 ივლისი, საქინფორმი. ადრე ამერიკელმა ბიზნესმენმა ინტერვიუს დროს განაცხადა, რომ უკრაინის კონფლიქტის დასრულდება თუ დასავლეთი რუსეთთან დათმობებზე წავა

რუსეთის საგარეო საქმეთა სამინისტროს პრესსპიკერი მარია ზახაროვა გამოეხმაურა ამერიკელი ბიზნესმენის, ილონ მასკის განცხადებას იმის შესახებ რომ შეუძლებელია აიძულო რუსეთი გაიყვანოს ჯარები. დიპლომატმა მასკს შესთავაზა, რომ უფრო შორს წავიდეს და ადამიანების სიცოცხლის გადასარჩენად „სტარლინკი“ გაყვანოს.

„მინდა ეს იდეა უფრო განვავითარო და Starlink-ის გაყვანა შევთავაზო. რათა ადამიანები არ დაიღუპონ“, - დაწერა ზახაროვამ თავის Telegram-არხზე.

ადრე, The Economist-თან ინტერვიუში, ამერიკელმა ბიზნესმენმა განაცხადა, რომ უკრაინის კონფლიქტის დასრულება მხოლოდ დასავლეთის მხრიდან დათმობების შემთხვევაშია შესაძლებელი.

მან ხაზგასმით აღნიშნა, რომ დიდი ხანია მშვიდობის მომხრეა და მისი პოზიცია არა რუსეთის მიმართ სიმპათიით, არამედ პრაგმატიზმით არის განპირობებული: წინააღმდეგ შემთხვევაში, ადამიანები წლების განმავლობაში არაფრის გამო დაიღუპებიან.

მილიარდერმა ასევე მკვეთრად გააკრიტიკა დიპლომატები, რომლებიც, მისი თქმით, მასპინძლობენ მდიდრულ ღონისძიებებს და ამპარტავნულად საუბრობენ ტერიტორიებზე მაშინ, როდესაც ფრონტის ხაზზე საბრძოლო მოქმედებები გრძელდება.

„მე ძალიან მაღიზიანებენ ეს დახვეწილი დიპლომატები, რომლებიც შვიდკერძიან ვახშამს მიირთმევენ მდიდრულ ადგილებში, მაშინ როცა ფრონტის ხაზზე ხალხი იღუპება და რომლებიც ლაყბობენ რომ რუსეთმა ჯარები გაიყვანოს. მაგრამ ის არ გაიყვანს ჯარებს“, - თქვა მასკმა.

ბიზნესმენმა ასევე გამოთქვა იმედი, რომ სამშვიდობო შეთანხმება მალე იქნება მიღწეული.

sputnik-georgia.com