თბილისი, 14 სექტემბერი, საქინფორმი. „თავისუფალი საქართველოს“ პრესსამსახურის მიერ საქინფორმისთვის შეტყობინების თანახმად, „თავისუფალი საქართველოს“ ლიდერები კახა კუკავა და გიური ცანავა დედოფლისწყაროს რაიონის სოფელ სამთაწყაროს მოსახლეობას შეხვდნენ. საუბარი შეეხო სოფლის მეურნეობაში დღეს არსებულ ვითარებას, აგრეთვე, რუსეთში პრდუქციის ექსპორტის მნიშვნელობას და მოსალოდნელ შედეგებს.

კახა კუკავამ  მოსახლეობას გააცნო კონკრეტული ციფრები და მონაცემები, რაც ასახავს ქართული სოფლის მეურნეობის რეალურ მდგომარეობას რუსულ ემბარგომდე და ემბარგოს შემდეგ. ქართული ღვინის ექსპორტი 2005 წელს იყო 41.7 მილიონი ლიტრი, ხოლო დღეს 12.3 მილიონს შეადგენს. კუკავამ გლეხებს ინფორმაცია მიაწოდა ექსპორტის მასშტაბებზე რუსეთის, ევროპის, აშშ-ისა და ჩინურ ბაზრებზე.

კახა კუკავამ მოსახლეობას წარუდგინა ანგარიში „თავისუფალი საქართველოს“ მიერ გაწეული სამუშაოს შესახე, გააცნო რუსულ მხარესთან შეხვედრების დეტალები და მიღწეული შეთანხმება ემბარგოს მოხსნასთან დაკავშირებით. აგრეთვე, პარტიის პროგნოზი ამ პროცესის შედეგად ქართული ეკონომიკის ზრდასთან დაკავშირებით.