საზოგადოება
ფოთში აეროპორტის მშენებლობა სახლებს აზიანებს
ფოთი, 13 სექტემბერი, საქინფორმი. ფოთში მშენებარე აეროპორტის მიმდებარე ტერიტორიაზე მცხოვრებნი აეროპორტთან მისასვლელი სათადარიგო გზის გახსნას მოითხოვენ. ამის მიზეზად ადგილობრივები მძიმეტონაჟიანი მანქანების გამუდმებულ მოძრაობას ასახელებენ. მათივე თქმით, ამან გზისპირას მცხოვრებთა სახლების კედლები დააზიანა.
ადგილობრივი ტონია აფაქიძის თქმით, მისი სახლის ყველა კედელი უკვე დაბზარულია. „ცოტა ხანში შეიძლება სახლი თავზე ჩამომენგრეს, მერე ვინ იქნება ჩემი პატრონი? ასეთ მდგომარეობაში არიან სხვებიც. მოვითხოვთ მშენებლობისთვის სხვა სათადარიგო გზის გახსნას“, – აცხადებს ქალბატონი ტონია საქინფორმის კორესპონდენტთან საუბრისას. 
