თბილისი. 13 სექტემბერი. საქინფორმი. საქართველოს ელჩი საფრანგეთში მამუკა კუდავა საფრანგეთის პრეზიდენტ ნიკოლა სარკოზის საქართველოში ვიზიტის შესახებ გავრცელებულ ინფორმაციას ადასტურებს. როგორც კუდავამ ჟურნალისტებს თბილისში მიმდინარე ამბასადორიალის დაწყებამდე განუცხადა, „ვიზიტი უახლოეს მომავალში შედგება“, თუმცა ელჩმა კონკრეტული თარიღი არ დაასახელა.

კუდავას განმარტებით, ნიკოლა სარკოზი ოფიციალური ვიზიტით ჩამოვა. რაც შეეხება შეხვედრისას განსახილველ საკითხებს, ელჩის ცნობით, ერთ-ერთი თემა სარკოზი-მედვედევის შეთანხმების შეუსრულებლობა და საქართველოს ევროკავშირთან დაახლოება იქნება.