კახეთი, 8 სექტემბერი, საქინფორმი. როგორც საქინფორმს კახეთის რეგიონიდან აცნობეს, რეგიონში რამდენიმე საჯარო სკოლის ლიკვიდაცია იგეგმება, რაც ადგილობრივი მოსახლეობის უკმაყოფილებას იწვევს. მათი განმარტებით, უმუშევარ პედაგოგთა რიცხვის განუზომლად გაზრდის გარდა ბავშვებს ერთი სოფლიდან მეორე სოფელში მოუწევთ სასწავლებლად სიარული, რაც საკმაო დაბრკოლებებს შეუქმნის როგორც პატარებს, ისე მათ მშობლებს.

„ჩვენს სოფელში არასრული საჯარო სკოლაა, მაგრამ მისი დახურვა არაფრით არ შეიძლება. მაშინ მოგვიწევს, მეზობელ სოფელში ვატაროთ ბავშვები. მცირეწლოვან ბავშვებს ძალიან გაუჭირდებათ. ჩვენი მოთხოვნა იყო, აქვე მისცემოდათ მოზარდებს სრული საშუალო განათლების მიღების შესაძლებლობა. ახლა კი, როგორც ამბობენ, სკოლა საერთოდ უნდა გაუქმდეს“, – აღნიშნა საქინფორმთან საუბრისას სოფელ წყაროსთავის მკვიდრმა.

სკოლების ლიკვიდაციის პრობლემა არც ახალია და არც მხოლოდ კახეთის რეგიონში დგას.