საქართველო, 4 ოქტომბერი, საქინფორმი. პარლამენტის ბიუროს გადაწყვეტილებით, საპარლამენტო კომიტეტებში „საქართველოს 2026 წლის სახელმწიფო ბიუჯეტის შესახებ“ კანონპროექტის გადამუშავებული ვარიანტისა და მისი თანდართული მასალების განხილვა დაიწყება. ინფორმაციას საქართველოს პარლამენტი ავრცელებს.

საფინანსო-საბიუჯეტო კომიტეტის მიერ შემუშავებული განრიგის თანახმად, ბიუჯეტის პროექტის განხილვა 4-10 ნოემბერს გაიმართება.

ბიურომ სხდომაზე რეგისტრაციაში გაატარა საპარლამენტო უმრავლესობის ლიდერის, ირაკლი კირცხალიას მიერ წარდგენილი საპარლამენტო უმრავლესობის განახლებული სია და საპროცედურო საკითხთა კომიტეტის მიერ წარდგენილი საპარლამენტო ოპოზიციის წევრთა სია.