აქტუალური
სახელმწიფო განაგრძობს სამედიცინო დაწესებულებების გაყიდვას
თბილისი, 5 სექტემბერი, საქინფორმი. ეკონომიკისა და მდგრადი განვითარების სამინისტროს აუქციონის მორიგი მსხვერპლი „არამიანცის კომპლექსში“ შემავალი „კატასტროფის მედიცინის ცენტრი“ აღმოჩნდა. სახელმწიფო საკუთრებაში არსებული 100%-იანი წილი, რომლის საწყისი ღირებულებაც 430 ათასი ლარია, 2011 წლის 16 სექტემბერს ელექტრონულ აუქციონზე გაიყიდება. „კატასტროფის მედიცინის ცენტრის“ საწესდებო კაპიტალი 880 833 ლარია. ცენტრს 78 626 ლარის დებიტორული და 93 306 ლარის კრედიტორული დავალიანება აქვს.
საქინფორმის მკითხველს შევახსენებთ, რომ ეკონომიკისა და მდგრადი განვითარების სამინისტრომ ე. წ. არამიანცის კომპლექსში შემავალი 16 საავადმყოფო უკვე გაასხვისა. თუ რა ბედი ელით „კატასტროფის მედიცინის ცენტრის“ მუშაკებს, ამაზე, როგორც ყოველთვის, ვერა ქობალის უწყებაში პასუხი არ აქვთ. 
