საქართველო, 9 სექტემბერი, საქინფორმი. მმართველი პარტია ქართული ოცნება კრიმინალის წინააღმდეგ უკომპრომისო ბრძოლას აგრძელებს, რომლის შედეგებზეც ბოლო თვეების სტატისტიკა მეტყველებს, განაცხადა საქართველოს პრემიერ-მინისტრმა ირაკლი კობახიძემ მთავრობის სხდომაზე.

შინაგან საქმეთა სამინისტროს ოფიციალურ ვებგვერდზე გამოქვეყნებული მონაცემების თანახმად, 2025 წლის პირველ ნახევარში ქვეყანაში რეგისტრირებული სისხლის სამართლის დანაშაულის საერთო რაოდენობა 795 შემთხვევით შემცირდა, რაც გასული წლის ანალოგიურ პერიოდთან შედარებით 2,96%-ით ნაკლებია. გაუმჯობესდა დანაშაულის გამოვლენის მაჩვენებელიც, რომელმაც 66,16%-ს მიაღწია.

„ყველა მიმართულებით გვჭირდება უკომპრომისო ბრძოლა კრიმინალის წინააღმდეგ...“, - განაცხადა კობახიძემ.

მისი თქმით, ბოლო სამ თვეში „ქურდულ სამყაროსთან" დაკავშირებით პასუხისგებაში მიეცა 57 პირი... ნარკოტიკებთან ბრძოლა მთავრობის ერთ-ერთ მთავარ პრიორიტეტად დარჩება.

„ჩვენ გვქონდა შემაშფოთებელი ტენდენციები ნარკოტიკების მოხმარების, გავრცელების კუთხით... სწორედ ამის გამოხატულებაა ის სტატისტიკა, რაც დღეს არის წარმოდგენილი", - განაცხადა პრემიერმა.

მთავრობის მეთაურის თქმით, განსაკუთრებით დიდი ოდენობით ნარკოტიკული საშუალებების ფლობისთვის პასუხისგებაში მიეცა 226 პირი... ასევე უპრეცედენტო რაოდენობითაა ამოღებული ნარკოტიკული საშუალებები.

„ქართული ოცნების“ ინიციატივის თანახმად, ქვეყანაში ნარკოტიკების რეალიზაციას შეიტანენ განსაკუთრებით მძიმე დანაშაულთა სიაში რეკეტთან, ორგანიზებულ დანაშაულთან და „ქურდულ სამყაროსთან“ დაკავშირებულ დანაშაულებთან ერთად.