თბილისი, 27 აგვისტო, საქინფორმი. ანქვაბის საარჩევნო შტაბის ხელმძღვანელ ლეონიდ ლაკერბაიას განცხადებით, ალექსანდრე ანქვაბმა 26 აგვისტოს არჩევნებში დამაჯერებელი გამარჯვება მოიპოვა და ხმების 55 პროცენტი მოაგროვა.

„ჩვენმა კანდიდატმა ხმების, დაახლოებით, 55 პროცენტი მიიღო. ჩვენი გათვლებით, რომელიც საუბნო საარჩევნო კომისიების მონაცემებს ეფუძნება, ანქვაბს 58 ათასმა ამომრჩეველმა დაუჭირა მხარი. მეორე ადგილზეა სერგეი შამბა, მას 23 ათასმა ამომრჩეველმა მისცა ხმა, რომელსაც მესამე კანდიდატი რაულ ხაჯიმბა მცირედით ჩამორჩება. მის სასარგებლოდ ხმა მისცა 22 ათასმა ამომრჩეველმა“, – განაცხადა ანქვაბის შტაბის ხელმძღვანელმა.

აფხაზეთის ცენტრალური საარჩევნო კომისიის ინფორმაციით კი, წინასწარი შედეგები დღის მეორე ნახევრში გახდება ცნობილი.