საქართველო, 30 ივნისი, საქინფორმი. სომხეთის პრემიერ-მინისტრმა, ნიკოლ ფაშინიანმა სასულიერო პირებთან დაკავშირებულ შეკითხვებს უპასუხა.

მისი თქმით, მონასტერში მოღვაწე სასულიერო პირები, რომლებიც მონაზვნობის აღთქმას დებენ, დებენ ფიცს, რომ მათ პირადი ცხოვრება არ ექნებათ. მისი თქმით, სასულიერო პირების წარმომადგენლების შესახებ ინფორმაცია მას ეროვნული უსაფრთხოების სამსახურმა მიაწოდა.

"მაქვს თუ არა პრობლემები სასულიერო პირებთან ან სასულიერო პირებს აქვთ თუ არა პრობლემები ჩემთან? ჩვენს სასულიერო პირებს პრობლემები ღმერთთან აქვთ. როგორ შეიძლება ჩემთან პრობლემები ჰქონდეთ?

ეროვნული უსაფრთხოების სამსახური პრემიერ-მინისტრის დაქვემდებარებული ორგანოა და ყოველდღიურად მაწვდის ინფორმაციას რესპუბლიკაში არსებული ოპერატიული ვითარების შესახებ.

მონასტერში მოღვაწე სასულიერო პირები, რომლებიც მონაზვნობის აღთქმას დებენ, დებენ ფიცს, რომ მათ პირადი ცხოვრება არ ექნებათ. ფრაზა "კათოლიკოსის პირადი ცხოვრება" აბსურდულია. თუ ვინმეს პირადი ცხოვრება აქვს, მაშინ ის კათოლიკოსი არ არის. საეკლესიო პირები, მათი ქმედებების გამო, ოპერატიული ყურადღების ცენტრში მოექცნენ", - განაცხადა ფაშინიანმა.

შეგახსენებთ, სომხეთის საპატრიარქოსა და ხელისუფლებას შორის დაპირისპირება რამდენიმე კვირაა გრძელდება. ამ პერიოდში ნიკოლ ფაშინიანმა სოციალურ ქსელში არაერთი პოსტი გამოაქვეყნა, რომლებშიც ის საპატრიარქოსა და სასულიერო პირებს აკრიტიკებს. სომეხმა სამართალდამცავებმა ტერორისტული აქტების მომზადებისა და ძალაუფლების ხელში ჩაგდების მცდელობის საქმეზე მიმდინარე გამოძიების ფარგლებში რამდენიმე პირი დააკავეს, მათ შორის შირაკის ეპარქიის მთავარეპისკოპოსი და სომხეთის ეკლესიის მთავარეპისკოპოსი.