აქტუალური
აფხაზეთი საქართველოს საპრეზიდენტო არჩევნების საბოტაჟში ადანაშაულებს
თბილისი, 24 აგვისტო, საქინფორმი. როგორც აფხაზეთის საგარეო საქმეთა სამინისტროში აცხადებენ, ოფიციალური თბილისი ყველანაირად ეწინააღმდეგება საპრეზიდენტო არჩევნებზე დამკვირვებელთა ჩასვლას. საგარეო ურთიერთობათა უწყების განცხადებაში აღნიშნულია, რომ საქართველო თავისი საელჩოების საშუალებით სხვადასხვა ქვეყნის საგრეო საქმეთა სამინისტროებში აგზავნის საპროტესტო ნოტებს მოწოდებით, გააკეთონ ყველაფერი შესაძლებელი იმისათვის, რომ არ იქნეს დაშვებული აფხაზეთის ტერიტორიაზე პარლამენტის იმ დეპუტატებისა და საზოგადო მოღვაწეების შესვლა, რომლებიც საპრეზიდენტო არჩევნებზე დამკვირვებელთა სტატუსით არიან მიწვეულნი.
სოხუმში მიიჩნევენ, რომ საქართველოს ხელისუფლებას ეშინია, საერთაშორისო დამკვირვებლებმა არჩევნებს დამოუკიდებელი შეფასება არ მისცენ და ამით აფხაზეთში საპრეზიდენტო არჩევნების დემოკრატიულობა და ლეგიტიმურობა არ დაადასტურონ. 
