თბილისი, 23 აგვისტო, საქინფორმი. საპარლამენტო უმრავლესობის ერთ-ერთი ლიდერი აკაკი ბობოხიძე მიიჩნევს, რომ „მსჯელობის საგანი ხელისუფლების წარმომადგენელთა მხრიდან გაკეთებული ქსენოფობიური განცხადებებიც უნდა გახდეს“, თუმცა აქვე აღნიშნავს, რომ „ხელისუფალთა გამოსვლებში ქსენოფობიურ პასაჟებს ვერ იხსენებს“.

რუსთაველის თეატრის სამხატვრო ხელმძღვანელ რობერტ სტურუას თანამდებობიდან გათავისუფლებისა და აღნიშნული გადაწყვეტილების ოფიციალურად დასახელებული მიზეზების კომენტირებისას ბობოხიძესთან საუბრის დროს „პირWელი“ დაინტერესდა, რატომ არ დადგა პარლამენტში პრეზიდენტის იმპიჩმენტის საკითხი მას შემდეგ, რაც მიხეილ სააკაშვილმა აფროამერიკელებს „ზანგები“ უწოდა და ისინი „ველურებად“ მოიხსენია, ან რატომ არ დადგა დეპუტატ გივი თარგამაძის პოლიტიკური პასუხისმგებლობის საკითხი მის მიერ ბადრი პატარკაციშვილის „ურიად“ მოხსენიების გამო, თუმცა, როგორც აღმოჩნდა, ბობოხიძემ თარგამაძის განცხადება ვერ გაიხსენა, პრეზიდენტ სააკაშვილის შემთხვევაში კი მის დამცველად მოგვევლინა.