საქართველოს სტატისტიკის ეროვნული სამსახურის მიერ საქინფორმისთვის მოწოდებული ინფორმაციის თანახმად, სამსახურის საბჭომ სტატისტიკის განვითარების ეროვნული სტრატეგია დაამტკიცა.

ეროვნული სტრატეგია მომზადდა საერთაშორისო რეკომენდაციების საფუძველზე მსოფლიო ბანკის სატრასტო ფონდის მხარდაჭერით და მოიცავს 2011-2014 წლებისთვის საქართველოს ოფიციალური სტატისტიკის განვითარების ძირითად მიმართულებებს. სტრატეგია რამდენიმე ნაწილისგან შედგება: სტატისტიკის სფეროში არსებული მდგომარეობის შეფასება, ძირითადი გამოწვევები და პრიორიტეტებზე დაფუძნებული დეტალური სამუშაო პროგრამა.

საქართველოს სტატისტიკის ეროვნულმა სამსახურმა საქსტატის ვებგვერდზე განათავსა სტატისტიკის განვითარების ეროვნული სტრატეგია (პროექტი), სადაც ნებისმიერ მომხმარებელს შეუძლია გაეცნოს აღნიშნულ მასალას და იქვე გამოთქვას საკუთარი მოსაზრება.