საქართველო, 29 აგვისტო, საქინფორმი. იმერეთის რეგიონის გუბერნატორად ლევან ზალკალიანი დაინიშნა, ნათქვამია საქართველოს მთავრობის პრესსამსახურის განცხადებაში.

აღნიშნულ თანამდებობაზე ზალკალიანმა ზვიად შალამბერიძე შეცვალა, რომელიც მმართველმა პარტიამ „ქართული ოცნება - დემოკრატიულმა საქართველომ“ ზესტაფონი-ბაღდათი-თერჯოლა-ტყიბულის ოლქში დელეგატად წარადგინა.

გუშინ, საქართველოს პრემიერ-მინისტრმა ირაკლი კობახიძემ ახალ გუბერნატორთან შეხვედრა გამართა და მას ახალ თანამდებობაზე წარმატებები უსურვა.

ახალ პოსტზე დანიშვნამდე ზალკალიანი ცაგერის რაიონის მერის თანამდებობას იკავებდა. იგი ასევე მუშაობდა რაჭა-ლეჩხუმი და ქვემო სვანეთის რეგიონის გუბერნატორის მოადგილედ.

ზალკალიანი სხვადასხვა დროს მუშაობდა პროკურატურის სისტემაში გამომძიებლად და პროკურორად, მათ შორის 11 წლის განმავლობაში – ამბროლაურის რაიონულ პროკურორად. მინიჭებული აქვს იუსტიციის უფროსი მრჩევლის წოდება.