„აშშ-ის პრეზიდენტის ბოლო შეცდომა გვაფიქრებინებს, რომ ბაიდენს თავი განზრახ მოაქვს პარკინსონით დაავადებულად, რათა ალეგორიულად გამოთქვას თავისი აზრები და ამაზე პასუხი არ აგოს - სნეულსა და მოხუცს რა მოეკითხება! უკრაინის პრეზიდენტად პუტინის მოხსენიებით მან მთელ მსოფლიოს განუცხადა, რომ, მისი აზრით, უკრაინის ომი დასრულდება მისი გაერთიანებით რუსეთ-ბელარუსიის საკავშირო სახელმწიფოსთან“, - განუცხადა NEWS FRONT-ს არნო ხიდირბეგიშვილმა, როდესაც ვთხოვეთ კომენტარი გაეკეთებინა, იქონიებს თუ არა გავლენას კოლექტიური დასავლეთის სანქციები საქართველოს მისამართით გადამწყვეტ გავლენას 26 ოქტომბრის საპარლამენტო არჩევნების შედეგებზე.

- საქართველოს წინააღმდეგ სანქციები ეტაპობრივად მიიღება და კულმინაციას მიაღწევს არჩევნებისთვის, მაგრამ ეს დამოკიდებული იქნება არა მხოლოდ საქართველოს ხელისუფლების ქცევაზე, რომელმაც, საეჭვოა გააუქმოს ან შეაჩეროს „უცხოური გავლენის გამჭვირვალობის შესახებ“ კანონი, არამედ ვითარებაზე თავად დასავლეთში, რაც, თავის მხრივ, დაკავშირებულია უკრაინის ფრონტზე არსებულ მდგომარეობასთან. საფრანგეთის, გერმანიისა და დიდი ბრიტანეთის ლიდერების პოზიცია მათ სამშობლოში უკიდურესად მყიფეა უკრაინის სამხედრო დახმარების გამო, რამაც გამოიწვია ფრანგების, გერმანელებისა და ინგლისელების აღშფოთება, რომლებსაც უკრაინელებისა და უკრაინელი ემიგრანტების მიმართ უარყოფითი დამოკიდებულება აქვთ. საქართველოში არჩევნების შემდეგ კი, 5 ნოემბერს, აშშ-ის საპრეზიდენტო არჩევნები გაიმართება, ამიტომ საქართველო ალბათ მესამე პლანზე გადავა. თუ ტრამპი პრეზიდენტი გახდება, მაშინ - დიდხანს, მისი პირველი ვადის განმავლობაში ხომ საქართველოში აშშ-ის ელჩიც კი არ იყო - მხოლოდ მოვალეობის შემსრულებელი, იმდენად უინტერესოა მისთვის საქართველო, რომელიც აფერისტ სააკაშვილს აგონებს.

- თქვენი აზრი მაინტერესებს - ვინ გაიმარჯვებს აშშ-ს არჩევნებში?

- აშშ-ში არჩევნებამდე ბევრი რამ მოხდება...* მაგრამ აშშ-ის პრეზიდენტის ბოლო "შეცდომა" გვაფიქრებინებს, რომ ბაიდენს თავი განზრახ მოაქვს პარკინსონით დაავადებულად, რათა ალეგორიულად გამოხატოს თავისი აზრები. უკრაინის პრეზიდენტად პუტინის მოხსენიებით მან მსოფლიოს გააცნო თავისი პროგნოზი, რომ უკრაინის ომი დასრულდება მისი რუსეთ-ბელარუსის საკავშირო სახელმწიფოსთან გაერთიანებით. სპეცოპერაციის დაწყების შემდეგ არაერთხელ განვაცხადე, რომ მოვლენების სხვაგვარი შედეგი ნაკლებ სავარაუდოა, თუმცა ამას დრო დასჭირდება.

- თქვენ ასევე განაცხადეთ, რომ საქართველოში საპროტესტო აქციები დაიწყება არჩევნების მეორე დღეს, 27 ოქტომბერს, „ვარდების რევოლუციის“ სცენარის მიხედვით, ანუ ოპოზიცია გამოვა ქუჩაში არჩევნების გაყალბების საბაბით.

- დიახ, სახელმწიფო გადატრიალების მთავარი მცდელობა 27 ოქტომბერს მოხდება, რადგან პირველად იქნება ხმების ელექტრონული დათვლა, რაც შესაძლებელს გახდის ბიულეტენების 90%-ის დათვლას და კენჭისყრის შედეგების მეორე დღეს გამოცხადებას. მაგრამ მიტინგები საქართველოში აგვისტოს მეორე ნახევარში დაიწყება.

- იმიტომ, რომ ხალხი შვებულებიდან დაბრუნდება?

- არა მხოლოდ. საქმე ისაა, რომ აგვისტოს მეორე ნახევარში უცხოეთის აგენტების ორგანიზაციებს, რომელთა დაფინანსების 20 და მეტ პროცენტს უცხოური გრანტები შეადგენს, მათი დეკლარირება მოეთხოვებათ, რასაც პრინციპულად არ გააკეთებენ. კანონით დაჯარიმდებიან დიდი თანხით, 25 ათასი ლარით, მათ მისცემენ ერთთვიან ვადას, მაგრამ ისინი სექტემბერშიც არ დააფიქსირებენ თავიანთ შემოსავალს და ხარჯებს და ისევ დაჯარიმდებიან, შემდეგ კი მათი ლიკვიდაციის პროცესი - რეგისტრაციის გაუქმება დაიწყება. შეგახსენებთ, რომ კანონს ხელი მოეწერა და ამოქმედდა 3 ივნისს, ტექნიკური ბაზის მოსამზადებლად სახელმწიფო დაწესებულებებს, საჯარო რეესტრის ეროვნულ სააგენტოს, იუსტიციის სამინისტროს, ფინანსთა სამინისტროს და სხვებს მიეცათ 2 თვის ვადა. ასე რომ, 3 აგვისტოს შემდეგ არასამთავრობო ორგანიზაციებს, მედიას და უცხოეთის აგენტების სხვა ორგანიზაციებს დეკლარაციების შევსება მოეთხოვებათ, მაგრამ, ამის ნაცვლად, ისინი გამაყრუებელ საპროტესტო მიტინგებს მოაწყობენ.

- ევროკავშირის კომისარებმა, აშშ-ის სახელმწიფო დეპარტამენტის ხელმძღვანელებმა და დასავლეთის წამყვანი ქვეყნების ელჩებმა საქართველოში ერთხმად განაცხადეს, რომ შეუწყვეტენ ნებისმიერ დახმარებას საქართველოს ბიუჯეტს, ხოლო გამოთავისუფლებული თანხები გადაინაცვლებს „სამოქალაქო საზოგადოებისა“ და მასობრივი ინფორმაციის საშუალებების დასახმარებლად.

- ამიტომ, ახლა უზარმაზარი ტრანშები და ქეშები მიეწოდება ყველა ამ არასამთავრობო ორგანიზაციას, ოპოზიციურ პარტიებსა და მედია ორგანიზაციებს, პირველ რიგში ტელეკომპანიებსა და ინტერნეტ-გამოცემებს, რაც, წესით, სახელმწიფო უსაფრთხოების სამსახურმა უნდა იცოდეს და ალბათ საქმის კურსშიცაა. ზოგადად, 2024 წლის არჩევნებამდე საქართველო ძალიან მოგვაგონებს 2012 წლის არჩევნებამდე არსებულ საქართველოს. მაშინაც და ახლაც, ხელისუფლების შეცვლის ამოცანა დგას. მეორე პარალელი ისაა, რომ მაშინაც და ახლაც კოლექტიური დასავლეთის მხარეზე დგას ხელისუფლებაც და ოპოზიციაც, რომლებმაც ადგილები გაცვალეს 2012 წლის შემდეგ. დასავლეთმა დიდი შეცდომა დაუშვა, როცა მისი ერთგული საქართველოს ამჟამინდელი ხელისუფლება ოსტრაკიზმს დაუქვემდებარა „უცხოეთის აგენტების შესახებ“ კანონის გამო. ეს შეცდომა შესაძლოა დასავლეთს მთელი სამხრეთ კავკასიის დაკარგვად დაუჯდეს. „ქართული ოცნების“ ხელისუფლება რჩება საქართველოს ევროატლანტიკური კურსის ერთგული, ოღონდ არ სურს ოპოზიციაში გადასვლა, დასავლეთს კი უბრალოდ არ ეყო მოქნილობა და დიპლომატია საქართველოს ხელმძღვანელობასთან შეთანხმებისთვის. აშშ-ის, საფრანგეთის, ინგლისისა და გერმანიის პოლიტიკური ელიტის ინტელექტი და პროფესიონალიზმი დღეს ამ ქვეყნების ლიდერების დონეზეა, ანუ უკიდურესად დაბალია. ამიტომაც შეეშინდათ ნდობით აღსავსე დიალოგის დაწყებას საქართველოს მთავარ პოლიტიკურ ლიდერთან - მილიარდერ ბიძინა ივანიშვილთან, რადგან ის რუსეთში მსხვილ ბიზნესს ფლობდაო! რა არის ეს, თუ არა პირწავარდნილი პროვინციალიზმი?!

ბიძინა ივანიშვილის გარემოცვა კი, თავის მხრივ, უმალავს მას რუსეთიდან ახალ ინფორმაციას საქართველოსთან დაკავშირებით, ამიტომ ივანიშვილი თავს იკავებს წინასწარი კონტაქტების დამყარებისგან მოსკოვის გადაწყვეტილების მიმღებ ცენტრთან სანდო არაოფიციალური პირების მეშვეობით, არ იცის ასეთი შესანიშნავი შესაძლებლობის არსებობის შესახებ, რომელიც, თუ კიდეც არ იქნება წარმატებული, უარყოფით შედეგებს მაინც არ გამოიღებს.

- ბატონო არნო, როგორც ვიცით, 2012 წელს დასავლეთს სააკაშვილის „ნაციონალური მოძრაობის“ გამარჯვებას იმედოვნებდა, ივანიშვილის „ქართულ ოცნებას“ კი ხმების 45% უნდა მიეღო და საპატიო მეორე ადგილი დაეკავებინა - ქცეულიყო მთავარ ოპოზიციურ პარტიად, მაგრამ პირიქით მოხდა.

- დიახ, ივანიშვილმა მაშინ სახელდახელოდ იყიდა სამი ოპოზიციური პარტია და მათთან ერთად ჩამოაყალიბა ალიანსი „ქართული ოცნება - დემოკრატიული საქართველო“, რითაც თავის გუნდს პარლამენტში საკონსტიტუციო უმრავლესობა დაუბევა. ამჯერად მეორე ადგილს მიხეილ სააკაშვილის ექს-მმართველი პარტიისა და სალომე ზურაბიშვილის მეთაურობით, გაერთიანებული ოპოზიცია დაიკავებს.

- კიდევ რა მსგავსებაა მოსალოდნელ არჩევნებსა და 2012 წლის 1 ოქტომბრის არჩევნებს შორის?

- მრავალი. ნიშანდობლივია, რომ ხელისუფლების ზოგიერთი ჩინოვნიკი უკვე მალულად იმზადებს „დასაჯდომ მოედანს“ ოპოზიციისა და ზურაბიშვილის გამარჯვების შემთხვევაში, შსს-სა და გენპროკურატურის ბევრი თანამშრომელი და ყველა დონის მოსამართლე ფარულად თანაუგრძნობს „ნაციონალურ მოძრაობას“, ამიტომ „ქართული ოცნებისთვის“ „თავს არ მოიკლავს“... ახალმა ხელისუფლებამ 2012 წლის შემდეგ ისინი სისტემაში დატოვა, რაც დიდი შეცდომა იყო. ამიტომაც სამართალის პოვნა სასამართლოებსა და ე.წ. ძალოვან სტრუქტურებში ზოგჯერ შეუძლებელია.

   დღეს, ისევე როგორც 2012 წელს, საქართველოში სააკაშვილის შემდეგ დაკონსერვებული რუსულენოვანი რუსოფობიური მედია და არასამთავრობო ორგანიზაციები საბრძოლო მზადყოფნაში არიან მოყვანილი. სააკაშვილის დროს მათი ცენტრი იყო „ПИК“ – „პირველი კავკასიური საინფორმაციო“, რამდენიმე საინფორმაციო სააგენტო და ცალკეული უცხოეთის აგენტები - ბლოგერები, ენ-ჯე-ოშნიკები, „ექსპერტები“. ზედმეტი მოკრძალების გარეშე, შეგახსენებთ, რომ „საქინფორმის“ ჟურნალისტურმა გამოძიებამ, ჩემი პუბლიკაციების სერიამ „ვანო მერაბიშვილის ინტერნეტ-დივერსანტები“, ამხილა და გაანადგურა ეს ტანდემი. როგორც აღმოჩნდა, არა საბოლოოდ: ორმაგი უცხოეთის აგენტები - რომლებსაც ჰყავთ მფარველები მოსკოვშიც, მათ შორის - ფე-ეს-ბეში და ანტიპუტინისტური ოპოზიციის რიგებში, და ასევე თბილისში, სააკაშვილის რეჟიმის სპეცსამსახურების თანამშრომლების სახით, მჭიდრო კონტაქტში არიან ნატოსა და ევროკავშირის წარმომადგენლობასთან, ანუ დასავლური სპეცსამსახურების რეზიდენტურასთან. ისინი იღებენ დიდ გრანტებს პირდაპირ ევროპული და ამერიკული ფონდებიდან და ირიბად - სოროსის ფონდის, ომბუდსმენის ოფისის, რუსეთის ოპოზიციისა და კიევის ხელისუფლებისგან. საქართველო მრავალეროვანი ქვეყანაა, ამიტომ ეროვნებათაშორისი შუღლის საფრთხე, რომელსაც ისინი აღვივებენ, ტერორიზმზე უარესია. ამიტომაც ჩნდებიან ახალი ინტერნეტ-გამოცემები და არასამთავრობო ორგანიზაციები, რომლებიც დაკომპლექტებულია ნაცმენებით, ხოლო უკვე არსებულ მედიაში - ეთნიკურად სომეხი და აზერბაიჯანელი ვაი-ჟურნალისტებით!

ჩვენ ყურადღებით ვადევნებთ მათ თვალს და ვფიქრობ, სექტემბრისთვის წარმოვადგენთ დაწვრილებით ჟურნალისტურ გამოძიებას მათ ძირგამომთხრელი ანტისახელმწიფოებრივი და ანტიქართული საქმიანობის შესახებ.

   საქინფორმის გენერალურ დირექტორსა და მთავარ რედაქტორს, უსაფრთხოების, სტრატეგიული ანალიზისა და საინფორმაციო პოლიტიკის ცენტრის დირექტორს, არნო ხიდირბეგიშვილს ესაუბრა მაია ჯავახიშვილი - სპეციალურად NEWS FRONT- ისთვის.

2024 წლის 12 ივლისი
საქართველო, თბილისი

*ეს ინტერვიუ 11 ივლისს შედგა და 12 ივლისს გამოქვეყნდა, ხოლო 13 ივლისს აშშ-ს ექს-პრეზიდენტზე, პრეზიდენტობის კანდიდატ დონალდ ტრამპზე ტერორისტული თავდასხმა მოხდა...