საქართველო, 3 ივლისი, საქინფორმი. ევროპაში აშშ-ის სამხედრო ბაზები მაღალი მზადყოფნის რეჟიმში გადაიყვანეს. ამის შესახებ ინფორმაციას აშშ-ის თავდაცვის დეპარტამენტი ავრცელებს.

პენტაგონის პრესსპიკერის, საბრინა სინგჰის თქმით, შესაბამისი ნაბიჯები გადადგმულია აშშ-ის ევროპული სარდლობის ოჯახებისა და სამხედრო ობიექტების დაცვის მიზნით.

„მე არ ვისაუბრებ დაზვერვის საკითხებზე, მაგრამ ეს გამოწვეული იყო ფაქტორების ერთობლიობით, რომელმაც შეიძლება გავლენა იქონიოს რეგიონში მყოფი სამსახურის წევრებისა და მათი ოჯახების უსაფრთხოებაზე. აშშ-ის ევროპული სარდლობა დგამს ნაბიჯებს ჩვენი სამხედრო მოსამსახურეების, მათი ოჯახებისა და ჩვენი ობიექტების მიმართ სიფხიზლის გაზრდის მიზნით“, – აღნიშნა საბრინა სინგჰმა.

1tv.ge