ამის შესახებ საქართველოს პროკურატურის მიერ გავრცელებულ სპეციალურ განცხადებაშია ნათქვამი, რომელშიც აღნიშნულია, რომ „პროკურატურა შუამდგომლობით მიმართავს სასამართლოს, დახურულ სხდომაზე განიხილოს მხოლოდ მტკიცებულებათა ის მცირე ნაწილი, რომელიც სახელმწიფო საიდუმლოების შემცველია“.

„საქართველოს პროკურატურა აცხადებს, რომ სისხლის სამართლის საპროცესო კანონმდებლობის შესაბამისად, უზრუნველყოფილი იქნება ზურაბ ქურციკიძის, ირაკლი გედენიძის, გიორგი აბდალაძისა და ნათელა გედენიძის მიმართ არსებული სისხლის სამართლის საქმის განხილვის საჯაროობა და გამჭვირვალობა. კერძოდ, საქმე სასამართლოში განიხილება საჯაროდ და ნებისმიერ დაინტერესებულ პირს ექნება შესაძლებლობა, დაესწროს სასამართლოს სხდომებს“, – ნათქვამია განცხადებაში.