საქართველო, 4 ოქტომბერი, საქინფორმი. უკრაინის პრეზიდენტის, ვოლოდიმირ ზელენსკის ყოფილ მრჩეველზე, ოლექსი არესტოვიჩზე ძებნა გამოცხადდა, - ინფორმაციას რუსული მედია ქვეყნის შინაგან საქმეთა სამინისტროზე დაყრდნობით ავრცელებს.

„არესტოვიჩ ალექსეი. ძებნის საფუძველი: იძებნება სისხლის სამართლის კოდექსის მუხლით“, - აცხადებენ რუსეთის შინაგან საქმეთა სამინისტროში.

მაისში რუსეთის ფინანსური მეთვალყურეობის ორგანომ, „როსფინმონიტორინგმა“ არესტოვიჩი ტერორისტებისა და ექსტრემისტების სიაში დაამატა. აღნიშნულ სიაში შეყვანილ პირებს რუსეთში ეკრძალებათ მედიასთან ურთიერთობა, ინფორმაციის განთავსება ინტერნეტში, საჯარო ღონისძიებების ორგანიზება, არჩევნებში მონაწილეობა და ნებისმიერი ფინანსური სერვისის გამოყენება, რომელიც არ ეხება გადასახადების, ხელფასების და კომპენსაციის გადახდას.

interpressnews.ge