პოლიტიკა
სალომე ზურაბიშვილი: ბედნიერი ვარ, რომ საფრანგეთის პრეზიდენტთან მქონდა სასარგებლო საუბარი ჩვენს მომავალ ევროპულ კანდიდატობაზე
საქართველო, 7 სექტემბერი, საქინფორმი. საქართველოს პრეზიდენტი სალომე ზურაბიშვილი საფრანგეთის პრეზიდენტს, ემანუელ მაკრონს შეხვდა. ინფორმაციას სალომე ზურაბიშვილი ინსტაგრამზე ავრცელებს.
შეხვედრის შემდეგ სალომე ზურაბიშვილმა განაცხადა, რომ მაკრონთან საუბარი ჰქონდა საქართველოს ევროპულ პერსპექტივაზე.
„მოგესალმებით პარიზიდან და ძალიან ბედნიერი ვარ, რომ საფრანგეთის პრეზიდენტთან მქონდა ძალიან სასარგებლო საუბარი ჩვენს მომავალ ევროპულ კანდიდატობაზე“, – აღნიშნა სალომე ზურაბიშვილმა.
