აქტუალური
ბათუმში ცეცხლსასროლი იარაღით სამი ადამიანი დაჭრეს
საქართველო, 23 აგვისტო, საქინფორმი. ბათუმში ცეცხლსასროლი იარაღით სამი ადამიანი დაჭრეს. შემთხვევა ცოტა ხნის წინ მოხდა.
როგორც ადგილობრივები აცხადებენ, დაჭრილია მამა და ორი შვილი, ისინი სასწრაფო-სამედიცინო დახმარების ჯგუფმა კლინიკაში გადაიყვანა.
შემთხვევა ასათიანის ქუჩაზე ერთ-ერთ სახელოსნოსთან მოხდა.
პირი, რომელიც ცეცხლსასროლი იარაღიდან ისროდა შემთხვევის ადგილიდან მიიმალა.
