საქართველო, 16 აგვისტო, საქინფორმი. საქართველოს სტატისტიკის ეროვნული სამსახურის მიერ 2023 წლის 15 აგვისტოს გამოქვეყნებული დაზუსტებული მონაცემებით, 2022 წელს პირდაპირი უცხოური ინვესტიციები 2.098 მლრდ აშშ დოლარი იყო, რაც წინა წლის შესაბამის მაჩვენებელზე 1.7-ჯერ, წინასწარ მაჩვენებელზე კი – 4.9%-ით მეტია.

საქსტატის ცნობით, 2022 წელს რეინვესტიციის წილმა მთლიანი პირდაპირი უცხოური ინვესტიციების 65.7% შეადგინა.

ამავე ინფორმაციით, 2022 წელს, პირდაპირი უცხოური ინვესტიციების ყველაზე დიდი წილი – 437.0 მლნ აშშ დოლარი – გაერთიანებულ სამეფოზე მოდიოდა, შემდეგ მოდის ესპანეთი – 360.5 მლნ აშშ დოლარით და ნიდერლანდები – 196.2 მლნ აშშ დოლარით.

დანარჩენი ქვეყნების წილი პირდაპირ უცხოურ ინვესტიციებში ასე გამოიყურება: აშშ – 176.5 მლნ აშშ დოლარით; ირლანდია – 120.6 მლნ აშშ დოლარით; რუსეთი – 108.1 მლნ აშშ დოლარით; ჩეხეთის რესპუბლიკა – 84.5 მლნ აშშ დოლარით; იაპონია – 58.7 მლნ აშშ დოლარით; თურქეთი – 55.1 მლნ აშშ დოლარით; ჩინეთი – 43.6 მლნ აშშ დოლარით; დანარჩენი ქვეყნები – 457.2 მლნ აშშ დოლარით.

2022 წელს პირდაპირი უცხოური ინვესტიციების ყველაზე დიდი წილი 538.0 მლნ აშშ დოლარ საფინანსო და სადაზღვევო სექტორზე მოდიოდა. შემდეგ მოდიან: უძრავი ქონება – 366.5 მლნ აშშ დოლარით; წყალმომარაგება და ნარჩენების მართვა – 197.2 მლნ აშშ დოლარით; ვაჭრობა – 189.4 მლნ აშშ დოლარით; ხელოვნება, გართობა და დასვენება – 165.9 მლნ აშშ დოლარით; ინფორმაცია და კომუნიკაცია – 140.9 მლნ აშშ დოლარით; დამამუშავებელი მრეწველობა – 134.0 მლნ აშშ დოლარით; ენერგეტიკის სექტორი – 129.6 მლნ აშშ დოლარით; ტრანსპორტი – 90.1 მლნ აშშ დოლარით; სასტუმროები და რესტორნები – 66.7 მლნ აშშ დოლარით; დანარჩენი სექტორები – 79.6 მლნ აშშ დოლარით.