საზოგადოება
ირაკლი ალასანია: „გერმანიას საქართველოსა და რუსეთს შორის ხიდის გადება შეუძლია“
როგორც „თავისუფალი დემოკრატების“ ლიდერმა აფხაზეთის ომის ვეტერანებსა და დევნილებთან შეხვედრისას განაცხადა, გერმანია ევროპაში წამყვანი ქვეყანაა, რომელსაც კარგი ურთიერთობა აქვს როგორც რუსეთთან, ისე საქართველოსთან და სწორედ ამიტომ გერმანიას შეუძლია, საქართველოსა და რუსეთს შორის ხიდი გადოს.
„რუსეთთან ურთიერთობების ნორმალიზება შესაძლებელია, რასაც მოთმინება და ხელისუფლების მშვიდობიანი შეცვლა სჭირდება. ოპოზიციაში ყოფნით რუსეთთან ურთიერთობების ნორმალიზებას ვერ მოვახერხებთ, ჩვენ ამისთვის ხელისუფლებაში უნდა მოვიდეთ. ამ პროცესში კი საზოგადოების როლი უმნიშვნელოვანესია“, – განაცხადა ალასანიამ.
საქინფორმი
