სამართალი
წერეთლის გამზირზე სარეაბილიტაციო სამუშაოებისას აღმოჩენილია მიწისქვეშა ნაგებობები, რომლებიც, სპეციალისტების დასკვნით, მე-19 საუკუნის სამარხს წარმოადგენს
საქართველო, 9 მაისი, საქინფორმი. თბილისის მერიის ინფორმაციით, წერეთლის გამზირზე მიმდინარე სარეაბილიტაციო სამუშაოების პროცესში აღმოჩენილია მიწისქვეშა ნაგებობები, რომლებიც, სპეციალისტების დასკვნით, წარმოადგენს მე-19 საუკუნის სამარხს.
მათივე ცნობით, შესწავლისა და გადაწყვეტილების მიღების პროცესში ჩართულნი არიან საქართველოს კულტურული მემკვიდრეობის დაცვის ეროვნული სააგენტოს წარმომადგენლები და არქეოლოგები.
თბილისის მერიაში განმარტავენ, რომ ადგილზე სამუშაოები წარმოებს სწორედ სპეციალისტების ზედამხედველობით, შესაბამისი წესების დაცვით და დამატებით ინფორმაციას უახლოეს დღეებში გაავრცელებენ.
