როგორც ბიწაძის მეუღლემ, „დემოკრატიული მოძრაობა – ერთიანი საქართველოს“ ლიდერმა ნინო ბურჯანაძემ დღეს გაზეთ „პრაიმ-თაიმის“ პრესკლუბში ჟურნალისტებთან საუბრისას განაცხადა, „რომც იცოდეს ბადრი ბიწაძის ადგილსამყოფელი, მაინც არ დაასახელებს, ვინაიდან ხელისუფლების მაღალ ეშელონებში ბიწაძის ლიკვიდაციის საკითხი აქტიურად განიხილებოდა“.

„სააკაშვილი ბიწაძეს თავის ტკივილად მიიჩნევს და არ ვაპირებ, ხელისუფლებას მისი ადგილსამყოფელის დადგენაში შევუწყო ხელი“, – განაცხადა ბურჯანაძემ.

რაც შეეხება ქვეყანას, რომელშიც ბიწაძემ შეიძლება, თავშესაფარი მოითხოვოს, ოპოზიციონერი ლიდერის განცხადებით, „ამაზე კონკრეტული საუბარი ჯერჯერობით არ ყოფილა, თუმცა მათ არ გაუჭირდებათ ისეთი ქვეყნის პოვნა, სადაც ბიწაძის უდანაშულობის დამტკიცება იქნება შესაძლებელი“.

ამასთან, ბურჯანაძემ ჟურნალისტებთან საუბრისას ბიწაძესთან მიუნხენში შეხვედრის ფაქტიც უარყო.