საზოგადოება
საარჩევნო საკითხებზე შეთანხმების ხელმოწერა დღეისთვის იგეგმება
როგორც პარლამენტის იურიდიულ საკითხთა კომიტეტის თავმჯდომარე პავლე კუბლაშვილმა განაცხადა, საპარლამენტო უმრავლესობისა და ოპოზიციური „რვიანის“ წარმომადგენლებს შორის საარჩევნო საკითხებზე შეთანხმების დოკუმენტს ხელი დღეს, 18:00 საათისთვის, უნდა მოეწეროს, თუმცა, მისივე განმარტებით, ხელმოწერის ადგილი ჯერჯერობით უცნობია.
ხელმოსაწერ დოკუმენტში იმ საარჩევნო საკითხების ნაწილია ასახული, რაზეც ხელისუფლება და ოპოზიციური „რვიანი“ მსჯელობდა. თუმცა, როგორც ცნობილია, შეთანხმებულ საკითხებში ბიომეტრიული პასპორტები ვერ მოხვდა.
„ნაციონალური მოძრაობისთვის“ შეთავაზებებზე თანხმობა მხოლოდ „ახალმა მემარჯვენეებმა“ და „ქრისტიან-დემოკრატებმა“ განაცხადეს. „რვიანში“ შემავალი დანარჩენი პარტიები კი „ექვსიანის“ ფორმატში განაგრძობენ საარჩევნო გარემოს გაუმჯობესებისთვის ბრძოლას.
