საქართველო, 22 თებერვალი, საქინფორმი. „ნაციონალური მოძრაობის“ წევრი ლევან ბეჟაშვილი აცხადებს, რომ ბოიკოტს შეწყვეტენ და „უცხოური გავლენების შესახებ“ „ხალხის ძალის“ მიერ ინიცირებული კანონპროექტის განხილვაში ჩაერთვებიან.

როგორც ლევან ბეჟაშვილმა განაცხადა, ეს არის ანტიევროპული კანონპროექტი.

„კანონპროექტი, რომელიც ახალი შემოტანილია, მიმართულია არასამთავრობო ორგანიზაციების, მედიის, ადამიანის უფლებების წინააღმდეგ და ა.შ. არის უპირველესად ანტიევროპული კანონპროექტი. „ერთიანი ნაციონალური მოძრაობა“, მიუხედავად ბოიკოტისა, ფიქრობს და აქტიურად განიხილება საკითხი, რომ ამასთან დაკავშირებით აუცილებლად მოგვიწევს საპარლამენტო დებატებში ჩართვა, რადგან ეს არის ქვეყნის დასავლური კურსის გადამწყვეტი საკითხი. ეს არის ანტიევროპული კანონპროექტი და ამის მიღების შემთხვევაში, ჩვენს ევროპელ და ამერიკელ პარტნიორებს აგენტებად ვაცხადებთ. აგენტების კანონთან დაკავშირებით, „ნაციონალურ მოძრობაში“ მიდის მსჯელობა, რომ ჩავერთვებით ამ პროექტის განხილვაში და შევეცდებით, წარმოვაჩინოთ ამ კანონის მავნებლური ანტიდასავლური ხასიათი. შეწყდება ბოიკოტი და ჩავერთვებით განხილვაში“, – აღნიშნა ბეჟაშვილმა.