აქტუალური
ფინანსთა სამინისტროს ორშაბათიდან ახალი მინისტრი უხელმძღვანელებს

gvindaZeპრემიერ-მინისტრმა ნიკა გილაურმა დღეს გამართულ საქართველოს მთავრობის საგანგებო ბრიფინგზე ფინანსთა მინისტრ კახა ბაინდურაშვილის გადაწყვეტილება გააჟღერა. „კახა ბაინდურაშვილმა გადაწყვიტა, რომ ამ ეტაპზე მოღვაწეობა გააგრძელოს კერძო სექტორში. ჩვენ ვილაპარაკეთ და პირველ ეტაპზე წავა „საქართველოს ფოსტის“ სამეთვალყურეო საბჭოს თავმჯდომარედ... მას ცალკე გეგმები აქვს და თქვენთან ილაპარაკებს დღეს ამ გეგმებზე. მინდა, მადლობა გადავუხადო კახას, რაც მან გასწია ამ ბოლო წლების განმავლობაში მთელი ქვეყნისთვის“, – განაცხადა გილაურმა.

პრემიერმა ისაუბრა ექს-მინისტრის დამსახურებებზე, შემდეგ კი მისი შემცვლელის ვინაობა დაასახელა. ბაინდურაშვილს საქართველოს ფინანსთა მინისტრის პოსტზე მისი მოადგილე დიმიტრი გვინდაძე შეცვლის. იგი ამავე სამინისტროს თანამშრომელია – მინისტრის მოადგილის პოსტი 2005 წლიდან უჭირავს. „მისი წარმატებული მუშაობის შედეგია, რომ საქართველოს მთავრობამ გადაწყვიტა გვინდაძის დაწინაურება“, – განაცხადა ნიკა გილაურმა.