აქტუალური
კახა კალაძე: ხელისუფლება ყველაფერს გააკეთებს, რათა 12-პუნქტიანი გეგმა შესრულდეს

 საქართველო, 30 ნოემბერი, საქინფორმი. თბილისის მერის, კახა კალაძის განცხადებით, ის მიესალმება დეოლიგარქიზაციის შესახებ კანონპროექტის ვენეციის კომისიაში გაგზავნის გადაწყვეტილებას.

მისივე თქმით, ხელისუფლება ყველაფერს გააკეთებს, რათა 12-პუნქტიანი გეგმა შესრულდეს.

მივესალმები ამ გადაწყვეტილებას. რაც შეეხება კანონპროექტს, ჩვენ არაერთხელ გვისაუბრია, რომ ხელისუფლება ყველაფერს გააკეთებს, რათა 12-პუნქტიანი გეგმა, რომელიც წარმოდგენილია, შესრულდეს. ერთ-ერთი ნაწილი არის დეოლიგარქიზაციის შესახებ კანონი და ესეც მიღებული იქნება“, – განაცხადა კახა კალაძემ.

„ქართულ ოცნებაში“ წინა დღეს განაცხადეს, რომ დეოლიგარქიზაციის შესახებ კანონპროექტის მესამე მოსმენით განხილვაზე უარს ამბობენ და პროექტს ვენეციის კომისიაში გადააგზავნიან.

ამასთან, საქართველოში ევროკავშირის წარმომადგენლობამ განცხადება გაავრცელა, სადაც აღნიშნულია: მივესალმებით საქართველოს პარლამენტის განცხადებას დეოლიგარქიზაციის შესახებ კანონპროექტის ვენეციის კომისიაში გაგზავნაზე, რაც პოზიტიური ნაბიჯია“.