აქტუალური
„თავისუფალი საქართველო“ მცირე მეწარმეებზე ზეწოლას გმობს

saojaxo_sastumro2როგორც საქინფორმმა მკითხველს უკვე აცნობა, საქართველოს საგადასახადო კოდექსში ტურისტულ ზონებთან დაკავშირებით მორიგი ცვლილების შეტანა იგეგმება. ამ ცვლილების თანახმად, კერძო საოჯახო სასტუმროების მფლობელები შემოსავლების სამსახურში დარეგისტრირებული საკურორტო სეზონის განმავლობაში 1 კვადრატული მეტრი ფართის გაქირავებისთვის ფიქსირებულ გადასახადს – 10 ლარს გადაიხდიან.

დღეს მოქმედი ნორმით, გადასახადი სასტუმროში ვიზიტორთა რაოდენობის მიხედვით ითვლება. ახალი ინიციატივით კი, მცირე და საოჯახო ტიპის სასტუმროებს გადასახადის გაქირავებული ფართის მიხედვით მოუწევთ.

პარტია „თავისუფალი საქართველო“ აღნიშნულ ინიციატივას აფასებს როგორც ტურისტულ ბიზნესში მომუშავე ადამიანებზე ტერორს. „მცირე სასტუმროების მეპატრონეები ვერ შეძლებენ ამ თანხის გადახდას და მუშაობის გაგრძელებას“, – განაცხადა „თავისუფალი საქართველოს“ თავმჯდომარის მოადგილე მიმი გაბრიჩიძემ.