აქტუალური
არასაამაყო რეიტინგი
ეკონომიკური კვლევების ცენტრმა „რია-ანალიტიკმა“ მსოფლიო ქვეყნების მიხედვით ერთ სულ მოსახლეზე მთლიანი შიდა პროდუქტის რეიტინგი გამოაქვეყნა. ამ რეიტინგის მიხედვით საქართველო 180 ქვეყანას შორის 112-ე ადგილზეა. მშპ (მთლიანი შიდა პროდუქტი) – ეს არის ცხოვრების დონის საზომი და ამ მონაცემებით საქართველო რეგიონის ქვეყნებს შორის აზერბაიჯანს ბევრად ჩამორჩება, სომხეთს კი მხოლოდ ერთი ადგილით უსწრებს. რეიტინგის მიხედვით სომხეთი 113-ე ადგილზეა, აზერბაიჯანი კი მე-80 პოზიციაზე იმყოფება.
როგორც რეიტინგიდან ირკვევა, მსოფლიოს ყველაზე მდიდარი ქვეყნები კატარი (88 383 დოლარი მშპ ერთ სულზე), ლუქსემბურგი (81 383 დოლარი) და სინგაპური (56 522 დოლარი) არიან. მსოფლიოს უმსხვილესი ეკონომიკის მქონე ამერიკა მე-7 ადგილზეა – 47 284 დოლარი მშპ-ით თითოეულ მოქალაქეზე. 
