2011 წლის მაისში ქვეყანაში შემოსული ფულადი გზავნილების ნაკადების მოცულობამ 93.1 მლნ აშშ დოლარი შეადგინა, რაც 21.0 მლნ აშშ დოლარით, ანუ 29.2 პროცენტით მეტია 2010 წლის მაისის ანალოგიურ მაჩვენებელზე. ამ პერიოდში ფულადი გზავნილების მოცულობა გაიზარდა რუსეთიდან (10.0 მლნ აშშ დოლარით), ყაზახეთიდან (3.6 მლნ აშშ დოლარით), იტალიიდან (3.0 მლნ აშშ დოლარით), აგრეთვე, ზოგიერთი სხვა ქვეყნიდან.

ფულადი გზავნილების 90.4% იმ 10 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ მაისში 1 მლნ აშშ დოლარს გადააჭარბა. იმავე 10 ქვეყანაზე გასული წლის მაისში მთელი ფულადი გზავნილების 90.9% მოდიოდა.