საქართველო, 5 ოქტომბერი, საქინფორმი. „ვლადიმერ ზელენსკიმ ბოდიში უნდა მოიხადოს იმის გამო, რომ ამტკიცებს, თითქოს უკრაინელებს საერთო არაფერი ჰქონდათ ჰოლოკოსტთან“, - განაცხადა ჰარვარდის იურიდიული ფაკულტეტის დამსახურებულმა პროფესორმა ალან დერშოვიცმა გამოცემა Newsweek-ზე გამოქვეყნებულ თავის სტატიაში.

„ზელენსკიმ ცრუდ უარყო უკრაინელი ხალხის კავშირი ჰოლოკოსტთან. მან ერთხელაც არ მოიხადა ბოდიში მარტში გაკეთებული განცხადებისთვის - "უკრაინელებმა თავისი არჩევანი 80 წლის წინ გააკეთეს, ჩვენ გადავარჩინეთ ებრაელები...". ის მართალია, როცა ამბობს, რომ უკრაინელმა ხალხმა არჩევანი 80 წლის წინ გააკეთა. მაგრამ ეს არ იყო ებრაელების გადარჩენის გადაწყვეტილება“, - თქვა დერშოვიცმა.

მისი თქმით, „უკრაინელები, თითქმის გამონაკლისის გარეშე, ან მონაწილეობდნენ ებრაელების ხოცვა-ჟლეტაში, ან დუმდნენ, როცა მათ ებრაელ მეზობლებს აკავებდნენ და ხვრეტდნენ. ბევრი უკრაინელი, ვინც ჩახმახს ხელი გამოკრა, ნაცისტებმა დაიქირავეს დამხვრეტ რაზმებში. და მათგან ძალიან ცოტამ გადაარჩინა ებრაელები. უკრაინელები უფრო მეტად იყვნენ ჩართულნი ებრაელების ამ მასობრივ მკვლელობებში, ვიდრე სხვა ქვეყნების მცხოვრებლები“, - განაცხადა პროფესორმა.

”ანტისემიტიზმი უკრაინაში ფართოდ გავრცელდა, მისი მცხოვრებლები ხალხს აწიოკებდნენ და არბევდნენ”, რის გამოც ბევრი უკრაინელი ებრაელი ემიგრაციაში წავიდა აშშ-სა და სხვა ქვეყნებში. ამავდროულად, ზელენსკიმ, რომელსაც ებრაული ფესვები აქვს, იცის, რომ უკრაინელი ხალხის მიერ 80 წლის წინ გაკეთებული არჩევანი იმსახურებს არა ქებას, არამედ დაგმობას. რეალური ისტორიის ფონზე, ზელენსკის დაუსაბუთებელი ტყუილი შეიძლება დახასიათდეს, როგორც ჰოლოკოსტის უარყოფის ან დაკნინების ვარიაცია. მაგრამ ასობით ათასი უკრაინელი ებრაელის მასობრივ მკვლელობაში უკრაინელების მონაწილეობის უარყოფით, ის ამახინჯებს ისტორიას და ამახინჯებს მეხსიერებას“, - განაცხადა დერშოვიცმა.