ახალი ინიციატივა – მეწარმეების შემოწმება შემოსავლების სამსახურის ნაცვლად კერძო აუდიტორების მიერ, საპილოტე რეჟიმში უკვე ამოქმედდა და რამდენიმე თვეში უნდა ჩამოყალიბდეს მეთოდოლოგია, რითაც შემდგომში აუდიტორები იხელმძღვანელებენ. კერძო აუდიტორს მომსახურებაში მცირე მეწარმეები 1000-დან 2000-მდე ლარს გადაიხდიან, ხოლო მსხვილ ბიზნესს აუდიტორული შემოწმებისთვის 30000-40000 ლარის გაღება მოუწევს.

პროექტის მესვეურთა აზრით, იმის გათვალისწინებით, რომ კერძო აუდიტორის მიერ ჩატარებული შემოწმებისას აღმოჩენილი დარღვევის შემთხვევაში მეწარმეებს ჯარიმის გადახდა არ მოუწევთ, ეს მათთვის მისაღები თანხა უნდა იყოს.