„საერთო-სახალხო წინააღმდეგობის მოძრაობა“ ოპოზიციურ პარტიებთან, საზოგადოების წარმომადგენლებსა და საერთაშორისო ორგანიზაციებთან კონსულტაციებს იწყებს.

ამის შესახებ „წინააღმდეგობის მოძრაობის“ ერთ-ერთმა ლიდერმა სოსო მანჯავიძემ განაცხადა.
მისი თქმით, ქვეყანაში ყალიბდება დიქტატურა და მის შესაჩერებლად საზოგადოების კონსოლიდაციაა საჭირო.
„უნდა შედგეს საზოგადოების ერთობა ერთი იდეის გარშემო, რათა მოხდეს ამ ხელისუფლების დემონტაჟი. ჩვენ საზოგადოებას წარვუდგინეთ მანიფესტი, სადაც ნათლად დავსახეთ ამ მიზნისკენ მიმავალი სწორი და შედეგის მომცემი წინადადებები“, – განაცხადა მანჯავიძემ.
მისივე თქმით, ქვეყანაში მძვინვარებს პოლიტიკური და ეკონომიკური ტერორი, რომელსაც ახასიათებს განსაკუთრებული სისასტიკე და კაცთმოძულება, მუდმივად მიმდინარეობს სოციალური გენოციდი, საფრთხე ექმნება ქართული სახელმწიფოებრიობისა და თვით ქართველი ერის არსებობას.
„საჭიროა, გავერთიანდეთ და ვიმსჯელოთ შემდეგ საკითხებზე:

1. უნდა მოხდეს შსს-ის დეცენტრალიზაცია, მისი ცენტრალური აპარატის, სოდ-ის, კუდ-ისა თუ სხვა პოლიტიზებული სამსახურების გაუქმება, ხოლო საპატრულო პოლიციის, კრიმინალური პოლიციის, დაზვერვის, კონტრდაზვერვის, საზღვრის დაცვის დამოუკიდებელი სამსახურების ჩამოყალიბება;