ამის შესახებ ინფორმაციას ინფორმირებულ წყაროზე დაყრდნობით პარტია „თავისუფალი საქართველო“ ავრცელებს, რომელიც საქართველოს პრეზიდენტისა და აშშ-ის ვიცე-პრეზიდენტ ჯოზეფ ბაიდენის რომში გამართული შეხვედრის რამდენიმე კულუარულ დეტალს ახმაურებს.

„სანდო წყაროებიდან ცნობილი გახდა, რომ  სხვა საკითხებთან ერთად რომში მიხეილ სააკაშვილისა და აშშ-ის ვიცე-პრეზიდენტ ჯო ბაიდენის შეხვედრაზე 2 მნიშვნელოვანი საკითხი იქნა განხილული. ერთი ის, რომ საქართველოს ხელისუფლება უპირობოდ დაეთანხმა რუსეთის მსოფლიო სავაჭრო ორგანიზაციაში გაწევრებას. გარდა ამისა, მიხეილ სააკაშვილმა გამოთქვა მზადყოფნა აშშ-ის ადმინისტრაციის მოთხოვნაზე – გააორმაგოს ავღანეთში საქართველოს კონტინგენტი“, – ნათქვამია პარტიის მიერ გავრცელებულ განცხადებაში.

ამასთან, კუკავას პარტიაში აცხადებენ, რომ 2011 წლის ივლისიდან აშშ ავღანეთიდან საკუთარი სამხედრო კონტინგენტის გაყვანას იწყებს და, შესაბამისად, მათი სხვა ქვეყნების სამხედროებით ჩანაცვლება ვაშინგტონში განსაკუთრებით აქტუალურია.