პოლიტიკა
ამერიკელი კონგრესმენები პარლამენტის თბილისიდან ქუთაისში გადატანის მიზანშეწონილობის საკითხით დაინტერესდნენ
როგორც კონგრესმენებთან გამართული შეხვედრის შემდეგ ქრისტიან-დემოკრატების წარმომადგენელმა მაგდა ანიკაშვილმა ჟურნალისტებთან საუბრისას განაცხადა, კონგრესმენების აზრით, ორ ქალაქში მთავრობასა და საკანონმდებლო ორგანოს შორის თანამშრომლობა შესაძლოა, ნაკლებეფექტიანი იყოს.
გარდა ამისა, საპარლამენტო უმცირესობისა და ამერიკელი კონგრესმენების შეხვედრაზე სტუმრები საარჩევნო გარემოს გაუმჯობესებასთან დაკავშირებული მოლაპარაკებების პროცესითაც დაინტერესდნენ.
დღევანდელ შეხვედრაზე კონგრესმენებმა მიმდინარე წლის 26 მაისის მოვლენების გამოძიებასთან დაკავშირებით ქრისტიან-დემოკრატების პოზიციაც მოისმინეს.
