პუბლიკაციები
საქინფორმი: უკვე ყოფილი სახელმწიფო ინსპექტორი ლონდა თოლორაია შეიძლება საქართველოდან გაიქცეს

 საქართველო, 27 დეკემბერი, საქინფორმი. სახელმწიფო ინსპექტორის თანამდებობა და სახელმწიფო ინსპექტორის სამსახური უქმდება. მის ნაცვლად სპეციალური საგამოძიებო სამსახური და პერსონალურ მონაცემთა დაცვის სამსახური იქმნება. შესაბამისი საკანონმდებლო პაკეტი, რომელიც უმრავლესობის დეპუტატების მიერ მომზადდა, ინიცირებისთვის მზად არის და პარლამენტის ბიუროს უახლოეს სხდომაზე წარედგინება.

პროექტით, სპეციალურ საგამოძიებო სამსახურს სამოხელეო დანაშაულთა გამოძიების ფუნქცია ენიჭება, ხოლო პერსონალურ მონაცემთა დაცვის სამსახურს − პერსონალურ მონაცემთა დამუშავების კანონიერების კონტროლის ფუნქცია და ყველა ფარული საგამოძიებო მოქმედებებისა და ელექტრონული კომუნიკაციის მაიდენტიფიცირებელ მონაცემთა ცენტრალურ ბანკში განხორციელებული აქტივობების კონტროლის ფუნქცია. გარდა ამისა, ახლაშექმნილ საგამოძიებო სამსახურს გაეზრდება საგამოძიებო ქვემდებარობა და სახელმწიფო ინსპექტორის მიერ ამჟამად გამოსაძიებელ დანაშაულების გარდა, მას "სისხლის სამართლის კოდექსის" სხვა შესაბამისი მუხლებით გათვალისწინებული დანაშაულების გამოძიების უფლებამოსილებაც მიენიჭება იმ შემთხვევაში, თუ შესაბამისი დანაშაულები მოხელის ან მასთან გათანაბრებული პირის გარდა, ასევე პროკურორის გარდა, სხვა სამართალდამცავი ორგანოს წარმომადგენლის მიერ არის ჩადენილი.

საქინფორმი არაერთხელ იტყობინებოდა, რომ სახელმწიფო ინსპექტორი ლონდა თოლორაია, ისევე, როგორც ომბუსმენი ნინო ლომჯარია, თავისი აპარატებით, იმართებიან ლონდონიდან და წარმოადგენენ საქართველოში მთავარ ანტისახელმწიფოებრივ ძირგამომთხრელ ინსტიტუტებს. და არა მხოლოდ პატიმარი სააკაშვილის ძლიერი მხარდაჭერის გამო საქართველოს იმიჯის საზიანოდ: სუს-იდან ამასწინანდელ ქურდობაში, რასაც შემდგომ მოჰყვა ფარული თვალთვალის ჩანაწერების ინტერნეტში გავრცელება, გარეულია, თუ მთლიანად არ განხორციელდა სახელმწიფო ინსპექტორის მიერ, რომელსაც, კანონის მიხედვით, ჰქონდა სამიდან ერთ-ერთი, ე.წ. „მოსმენის გასაღები“. ამიტომ საქინფორმი მიესალმება საქართველოს პრემიერ-მინისტრი ირაკლი ღარიბაშვილის კიდევ ერთ გაბედულ ნაბიჯს ბრიტანული დაზვერვის - „MI 6“-ის ამ სადაზვერვო ქსელის ლიკვიდაციისთვის. ახლა მთავარია, რომ ლონდა თოლორაია საქართველოდან არ გაიქცეს სააკაშვილის ბიძის, თემურ ალასანიას კვალდაკვალ...