საქართველო, 12 ნოემბერი, საქინფორმი. ბელარუსის პრეზიდენტი ალექსანდრე ლუკაშენკო ევროპაში გაზის ტრანზიტის შეწყვეტას არ გამორიცხავს, იმ შემთხვევაში თუკი ევროკავშირი მათ წინააღმდეგ ახალ სანქციებს დააწესებს, - ინფორმაციას Reuters-ი ავრცელებს.

"ჩვენ ვათბობთ ევროპას, ისინი კვლავ გვემუქრებიან, რომ საზღვარს ჩაკეტავენ, თუ ჩვენ შევწყვეტთ ბუნებრივ აირს? ამიტომ ვურჩევდი პოლონეთის ხელმძღვანელობას, ლიეტუველებს და სხვა უტვინო ხალხს, დაფიქრდნენ, სანამ იტყვიან," - განაცხადა ლუკაშენკომ.

ევროკომისიის პრეზიდენტმა ურსულა ფონ დერ ლაიენმა განაცხადა, რომ პოლონეთი-ბელარუსის საზღვართან მიგრანტების თავმოყრა ალექსანდრე ლუკაშენკოს რეჟიმის მიერ მეზობელი ქვეყნების წინააღმდეგ ჰიბრიდული თავდასხმაა. მისი თქმით, მომავალი კვირის დასაწყისში ევროკავშირი გააფართოებს ბელარუსის რეჟიმის საწინააღმდეგო სანქციებს.

interpressnews.ge