როგორც „დემოკრატიული მოძრაობა – ერთიანი საქართველოს“ ლიდერმა ნინო ბურჯანაძემ 21 მაისს თანამშრომლობის შესახებ „ქართული პარტიის“ შეთავაზების პასუხად განაცხადა, „ფუჭი ლაპარაკის დრო არ არის და ვისაც ქვეყნის გადარჩენა რეალურად სურს, 21 მაისს ხალხის გვერდით უნდა დადგეს!“

როგორც ბურჯანაძემ აღნიშნა, 21 მაისამდე სულ ოთხი დღე დარჩა, „სახალხო კრებას“ აქვს ნათლად გაწერილი გეგმა, რა უნდა გაკეთდეს 21 მაისიდან და მას შემდეგ. საქმე კი ბევრია გასაკეთებელი.

„ერთი რამ შემიძლია, გითხრათ – ყველა იმ მოქალაქეს, ვისაც ამ ქვეყნის გადარჩენის სურვილი აქვს, შეუძლია და უნდა მოვიდეს კიდეც 21 მაისს და დადგეს საკუთარი ხალხის გვერდით“, – განაცხადა ბურჯანაძემ.