საზოგადოება
საქართველო-ევროკავშირის მოლაპარაკებების მე-5 რაუნდი თბილისში
საქართველო-ევროკავშირს შორის ასოცირების შეთანხმების შესახებ ტექსტის შემუშავების მიზნით, 17-18 მაისს თბილისში მოლაპარაკებების მე-5 რაუნდი გაიმართება.
კალანდაძის განცხადებით, საუბარია მექანიზმებზე, რომლებიც პარტნიორობისა და თანამშრომლობის შესახებ შეთანხმების ფარგლებში განიხილება. საგარეო საქმეთა მინისტრის მოადგილის თქმით, საუბარი შეეხება პოლიტიკურ დიალოგსა და რეფორმას, ერთიანი საგარეო და უსაფრთხოების პოლიტიკის ფარგლებში თანამშრომლობას, მართლმსაჯულებას, თავისუფლებასა და უსაფრთხოებას, ფინანსურ და ეკონომიკურ თანამშრომლობას.
„საქართველო-ევროკავშირს შორის ასოცირების შეთანხმება ურთიერთობის ახალი ეტაპია, რომელიც ჩვენთვის მნიშვნელოვანია, რადგან ყველა არსებული მექანიზმის განხილვა, გადახედვა და პროგრესის დაფიქსირება ხდება და, ამავე დროს, მნიშვნელოვანია, რომ ეს ასოცირების პროცესი რაც შეიძლება სწრაფად წარიმართოს“, – განაცხადა ნინო კალანდაძემ.
მისივე თქმით, ბევრი ტექნიკური და ბიუროკრატიული ბარიერი არსებობს და მნიშვნელოვანია, რომ ამ ტიპის სამუშაო ჯგუფის შეხვედრები სისტემატურად მიმდინარეობდეს, რათა მოხდეს ყველა ტექნიკური საკითხის განხილვა.
