პოლიტიკა
„ქართული ოცნება“ მერობის ყველა კანდიდატს კვირის ბოლომდე წარადგენს
საქართველო, 28 ივლისი, საქინფორმი. მერობის ყველა კანდიდატს მიმდინარე კვირის ბოლომდე წარვადგენთ, ხოლო საკრებულოების მაჟორიტარობის კანდიდატებს უახლოეს მომავალში, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხადა.
რაც შეეხება საარჩევნო სიებს, კობახიძე აცხადებს, რომ სიებზე მუშაობა უახლოეს მომავალში დასრულდება.
„სიების წარდგენის ვადა 2 სექტემბრამდეა, მანამდე სამუშაო პროცესი გვექნება. არსებითად სიებზე მუშაობაც უახლოეს მომავალში დასრულდება“, – განაცხადა ირაკლი კობახიძემ.
