პრეზიდენტი სააკაშვილი არ აპირებს ქრთამის შეთავაზების ბრალდებით დაპატიმრებული ორი ებრაელი ბიზნესმენის შეწყალებას, იტყობინებოდა გაზეთი „24 საათი“ 12 მაისს საქართველოს პრეზიდენტის ადმინისტრაციიდან „სარწმუნო წყაროზე“ დაყრდნობით.

აპრილის ბოლოს ისრაელის ორი მოქალაქის – რონი ფუქსისა და ზეევ ფრენკიელის ოჯახებმა პრეზიდენტ სააკაშვილს მათი შეწყალების თხოვნით მიმართეს.

„საქართველოს პრეზიდენტი არ აპირებს, შეიწყალოს ქვეყნისთვის ზიანის მომტანი კორუფციული დანაშაულისთვის გასამართლებულნი. იმავე წყაროს ინფორმაციით, საქართველოს პრეზიდენტი თავის გადაწყვეტილებაში კატეგორიულია და არ აპირებს პოზიციის შეცვლას, რადგანაც საქმე ეხება მძიმე დანაშაულს“, – წერს „24 საათი“.