საქართველო, 31 მაისი, საქინფორმი. საქართველოში ნამახვანის ჰიდროელექტროსადგურის მშენებლობა თურქეთის ინტერვენციას და სააკაშვილის დაბრუნებას უკავშირდება. თურქეთი დიდი ხანია ახორციელებს ეკონომიკურ ექსპანსიას საქართველოში, აჭარის პრაქტიკულად მიტაცების შემდეგ იგი სულ უფრო მეტად იწევს ქვეყნის სიღრმეში და ასევე იპყრობს აფხაზეთს. არსად, თბილისშიც კი, თურქეთი ჯერ არ წაწყდომია ადგილობრივი მოსახლეობის წინააღმდეგობას და თუ საქართველოს ხელისუფლება თავად ვერ გაუმკლავდება რიონის დამცველთა პროტესტს, თურქეთს მხოლოდ სამხედრო ინტერვენციის განხორციელება და ბათუმის აღება მოუწევს 100 წლის წინანდელი ყარსის ხელშეკრულების დენონსაციის საფუძველზე, რომელმაც ისედაც დაკარგა ძალა 30 წლის წინ, საქართველოს დამოუკიდებლობის აღდგენის შემდეგ. თუ როგორ მოხდება ეს - დაწვრილებით მოგვითხრობს ახალი თურქული ანიმაციური ფილმი. მხოლოდ ერთი განსხვავებით - ამ ფილმის სცენარის თანახმად, ოკუპაციის მიზეზად თურქების მიერ ტყეების უნებართვო ჭრა იქცა მაჭახლის ხეობაში, რომელიც თურქეთის საზღვართან მდებარეობს, თუმცა ასეთივე მიზეზად შეიძლება იქცეს რიონის ხეობის მოსახლეობის პროტესტი თურქული კომპანია ENKA– ს მიერ ნამახვანის ჰიდროელექტროსადგურის მშენებლობის წინააღმდეგ.

მტკიცებულების სახით: ყველგან, სადაც თურქეთი არ ფიგურირებს, საქართველოს ხელისუფლებამ უკან დაიხია: მას შემდეგ, რაც შეძახილებით: "ალაჰ აკბარ!" პანკისის ხეობის ჩეჩნებმა ქვები დაუშინეს საქართველოს პოლიციის სპეცრაზმელებს, მთავრობამ უარი თქვა იქ ხადორის ჰიდროელექტროსადგურის მშენებლობაზე; მოკლე ხანში, სვანების პროტესტის შემდეგ, მთავრობამ შეაჩერა რაჭა-ლეჩხუმში – ონის ჰიდროელექტროსადგურისა და ზემო სვანეთში ჭალის ჰიდროელექტროსადგურის მშენებლობა; იმავე მიზეზით, მდინარე ენგურზე ხუდონის ჰიდროელექტროსადგურის მშენებლობის განახლების მცდელობები მარცხით დასრულდა. და მხოლოდ ექვსთვიანმ პროტესტმა რიონის ხეობაში, ნამახვანის ჰიდროელექტროსადგურის მშენებლობის წინააღმდეგ, ვერა და ვერ მიაღწია მიზანს - კაშხლის მშენებლობა გრძელდება რკინის ფარისა და საქართველოს პოლიციის დაცვის ქვეშ.

სახალხო პროტესტის ფონზე მზადდება ”ფერადი რევოლუციების” სპეციალისტი სააკაშვილის ტრიუმფალური დაბრუნება საქართველოში , რომელმაც 2004 წელს ხელისუფლებაში მოსვლის შემდეგ, გააძევა აბაშიძე აჭარიდან, რათა შიგნიდან გაეხსნა თურქეთის კარიბჭე. სააკაშვილის დედამ, კგბ-ს აგენტმა, თურქოლოგმა გიული ალასანიამ და მისმა ღვიძლმა ძმამ, სააკაშვილის ბიძამ, კგბ-ს პოლკოვნიკმა თემურ ალასანიამ, შეინარჩუნეს ჯერ კიდევ კგბ-ს მითითებით დამყარებული მძლავრი კავშირები გავლენიან თურქულ წრეებში.

სინამდვილეში სწორედ ამან განაპირობა პრემიერ–მინისტრი გახარიას ნებაყოფლობით გადადგომა და არა სააკაშვილის პარტიის მარიონეტული ლიდერის ნიკანორ მელიას დაპატიმრებასთან დაკავშირებულმა სპექტაკლმა! გახარიას ესმოდა, რომ ვერ შეძლებდა ნამახვანი ჰესის (პროექტი, რომელშიც თურქები $ 800 მლნ ინვესტიციას დებენ) მშენებლობის შეჩერებას, როგორც შეაჩერა ყველა ზემოჩამოთვლილი ჰესი! ახლა, ყველა საფრთხის გამო, ისინი კი ბევრია, პასუხის გაცემა პრემიერ ღარიბაშვილს მოუწევს და, თანაც, სააკაშვილის შანტაჟის ფონზე, რომელიც დღეს წარმატებით ეწევა პოლიტეკოლოგიას, როგორც ეს თავის დროზე ჟვანიამ მოიმოქმედა.

ნახეთ: სააკაშვილმა, რომელიც საქართველოს პრეზიდენტი გახდა ხუდონის ჰიდროელექტროსადგურის მშენებლობის წინააღმდეგ ჟვანიას მიერ აგორებული საპროტესტო ტალღის ფონზე, ახლახან სინანული გამოთქვა - აქაოდა, მაშინ რომ ხუდონჰესი არ აგვეკრძალა, საქართველო დღეს მთლიანად ენერგოდამოუკიდებელი იქნებოდაო! გასულ შაბათს კი სააკაშვილი სპეციალურად გაფრინდა თავისი მეუღლის სამშობლოში, ჩაჯდა იქ ვერტმფრენში და ქარის ელექტროსადგურებზე გადაფრენისას, ინტერვიუ მისცა "მთავარი არხი" - აქაოდა, საქართველოს ჰიდროელექტროსადგურები არ სჭირდება, საკმარისია ისეთი ქარის ელექტროსადგურების აშენება, როგორიც ჰოლანდიაშია!

რატომ დუმან ამის შესახებ მთავრობის პიარ– პრეს-სამსახურები? რატომ არ მიაქციეს ყურადღება იმ ფაქტს, რომ თავიდან ზემოხსენებული ტელეარხი და სააკაშვილის „ნაცმოძრაობა“ მხარს უჭერდნენ „რიონის მცველების“ პროტესტს. შემდეგ კი, დაინახა რა, რომ "ქართული ოცნების" ხელისუფლებამ მათ პროტესტის გამოხატვის ნება დართო თბილისშიც კი, დაიწყეს ქარაგმულად მინიშნება, რომ მათი ლიდერი გოლეთიანი ასრულებს მოსკოვის დავალებას, საიდანაც ფინანსდება კიდეც! მომიტინგეების ხეობაში დაბრუნების და პოლიციასთან დაპირისპირების შემდეგ კი კვლავ მომიტინგეების მხარე დაიკავეს.

საქინფორმი