საქართველო, 21 მაისი, საქინფორმი. ამერიკის შეერთებული შტატები ბავშვების ვაქცინაციას მიმდინარე წლის დასასრულს ან 2022 წლის პირველ ნახევარში დაიწყებს, – ამის შესახებ აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ განაცხადა.

ამასთან, ფაუჩის თქმით, შესაძლოა, აუცილებელი გახდეს 8-12 თვის შემდეგ ვაქცინის მესამე დოზის გაკეთება.

„თითქმის დარწმუნებით შემიძლია ვთქვა, რომ ალბათ, მოვითხოვთ ვაქცინის მესამე დოზის გაკეთებას, რადგან კორონავირუსის წინააღმდეგ დაცვა ისეთი ხანგრძლივი არ არის, როგორც მაგალითად წითელას შემთხვევაში“, – განაცხადა ენტონი ფაუჩიმ.

მანამდე, ვაქცინის მესამე დოზის გაკეთების შესაძლებლობაზე განცხადება გააკეთა კომპანია „ფაიზერის“ აღმასრულებელმა დირექტორმაც.