საქართველოს შსს-ის ვებგვერდზე განთავსებული ინფორმაციის თანახმად, საქართველოში  ოფიციალური ვიზიტით უკრაინის შინაგან საქმეთა სამინისტროს დელეგაცია იმყოფება, რომლის შემადგენლობაშიც მინისტრის მრჩეველი ლეონიდ ზიმა, იურიდიული დეპარტამენტის უფროსი, პოლკოვნიკი ვლადიმერ ჰუცუ ბიდენკო, ოპერატიულ-ტექნიკური დეპარტამენტის უფროსი, მაიორი მიხეილ კუზნეცოვი და ორგანიზებული დანაშაულის წინააღმდეგ ბრძოლის დეპარტამენტის უფროსი, ვიცე-პოლკოვნიკი  რომან მიცაკი შედიან.

საქართველოს შინაგან საქმეთა მინისტრმა ივანე მერაბიშვილმა დელეგაციას  დეტალურად გააცნო მის უწყებაში განხორციელებული და მიმდინარე რეფორმები.

ვიზიტის ფარგლებში უკრაინის  დელეგაცია შინაგან საქმეთა სამინისტროს მომსახურების სააგენტოს მუშაობასაც გაეცნო.