სამართალი
ზურაბ ადეიშვილი საქართველოს მოქალაქეობის შეწყვეტას ითხოვს

 საქართველო, 13 აპრილი, საქინფორმი. იუსტიციის ყოფილი მინისტრი და ყოფილი მთავარი პროკურორი ზურაბ ადეიშვილი საქართველოს მოქალაქეობის შეწყვეტას ითხოვს.

საქართველოს პირველ არხს სახელმწიფო სერვისების განვითარების სააგენტოში დაუდასტურეს, რომ ადეიშვილს მოქალაქეობის შეწყვეტაზე განცხადება აქვს შეტანილი.

მათივე ცნობით, მიმდინარეობს საქმის განხილვა, რომელიც კანონით დადგენილი ვადების ფარგლებში, მაისში უნდა დასრულდეს.