რეგიონში არსებულ შესაბამის პოტენციალზე გუშინ საქართველოს პრემიერ-მინისტრმა ნიკა გილაურმა თელავში მთავრობის გასვლით სხდომაზე განაცხადა, რომლის ინფორმაციით, „რეგიონის განვითარების მიზნით მსოფლიო ბანკთან მთავრობა მოლაპარაკებებს აწარმოებს“.

„კახეთის რეგიონს დიდი პოტენციალი აქვს, არა მარტო საქართველოში, არამედ რეგიონში სოფლის მეურნეობისა და ტურისტულ ცენტრად გადაიქცეს და ეს პოტენციალი გამოსაყენებელია. ახლა სხვადასხვა პროექტთან დაკავშირებით მსოფლიო ბანკთან ვმუშაობთ. სავარაუდოდ, ეს პროექტები მსოფლიო ბანკის დაფინანსებით ამა წლის სექტემბერ-ოქტომბერში დაიწყება. სოფლის მეურნეობა და ტურიზმი ის სექტორებია, სადაც შეიძლება როგორც კერძო სექტორმა, ისე მოსახლეობამაც ძალიან დიდი მოგება ნახოს“, – განაცხადა გილაურმა.

ამასთან, სამომავლო პროექტების გარდა, მთავრობის სხდომაზე კახეთის რეგიონისთვის სტიქიით მიყენებული ზარალის შესახებაც იმსჯელეს – პრემიერმა კახეთის გუბერნატორ გიორგი ღვინიაშვილის, სოფლის მეურნეობის მინისტრ ბაკურ კვეზერელისა და რეგიონული განვითარებისა და ინფრასტრუქტურის მინისტრ რამაზ ნიკოლაშვილის ანგარიშები მოისმინა.